| 29.05.2007 - Litamerkt sanderla |
 Í dag sást litamerkt sandlerla í fjöru við svokallaða Hvaley á Búlandsnesi. Það var Jóhann Óli Hilmarsson sem rak augun fyrst í fuglinn en hann var þar á ferð ásamt undirrituðum og Alberti Jenssyni. Sanderlan var þar í hóp fleiri sanderla. Hér á meðfylgjandi myndum má sjá sanderluna sem er með tvö rauða plasthringi á hægri fæti og a.m.k. tvo gula á þeirri vinstri. Á efsta/efri gula hringnum er einskonar flipi eða flagg. Forvitnilegt verður að vita hvar þessi sanderla er merkt. Þetta er í annað sinn sem að litamerkt sanderla sést hér á Djúpavogi frá árinu 2005 eins og sjá má á frétt hér neðst í sem tekin er af vef fuglaáhugamanna á Hornafirði. AS
Eldri frétt á vef fuglaáhugamanna á Hornafirði Litmerkt sanderla á Djúpavogi
Fuglamerkingar hafa margvíslegan tilgang , m.a. að fylgjast með farleiðum, varpheimkynnum, vetrastöðvum og aldri svo það helsta sé nefnt. Hluti merktra fugla bera svo kölluð litmerki en það eru lithringir sem settir eru á fætur fuglana (sjá mynd af sanderlu hér að ofan), með þessu er hægt að greina hvern einstakling fyrir sig og fylgja þeim þannig eftir. Töluvert hefur verið litmerkt af vaðfuglum en hér á landi verðum við mest vör við litmerkta jaðrakana þó á seinni árum hafi verið nokkuð átak með að litmerkja fleiri tegundir íslenskara fugla auk fugla sem fara hér um á leið á varpstöðvar í Grænlandi og Kanada. Sanderlan hér að ofan sást og var mynduð á Djúpavogi 29. maí s.l. af Andrési Skúlasyni, hún var í hópi um 30 fugla. Þessi einstaklingur var merktur á Wash á Suðaustur Englandi árið 1994 og svo náðist hann aftur árið 2004 og voru þá litahringirnir settir á fuglinn og síðan þá hefur verið hægt að fylgjast með honum, en hann hefur haft vetursetu á svipuðum slóðum og hann var merktur á. Lengi vel töldu bretar að sanderlur sem hefðu vetursetu á Bretlandi væru af Síberískum uppruna vegna tveggja fugla sem náðust þar. Árið 1985 var lesið af mörgum litmerktum sanderlum í Sandgerði sem merktar vour á Norður-Englandi. Og nú hefur staðfests að fuglar sem merktir eru á Suðaustur-Englandi fara líka til Grænlands/Kanada. Hér má sjá feril fuglsins, fuglinn var merktur með stálhring 27.
febrúar 1994, lesið var af fuglinu, ´94, ´02, ´04 og svo 17. október
2004 var hann svo litmerktur og hefur all oft verið lesið á litmerkin
síðan á Englandi. Náttúrfræðistofnun Íslands tekur við öllum aflestrum af merktum fuglum 
|
News
You are here: Fréttir
