News
31.10.2007 - Og enn reka hvalir á land
 

Fyrir nokkrum dögum bar lítinn hval upp að fjöru neðan við bæinn Kross á Berufjarðarströnd. Það var Högni bóndi á sem sá hvalinn á reki skammt frá fjöruborðinu. Högni var ekkert að draga hendurnar með það snara skepnunni á land.
Þarna var um svokallaðan leifturhnýðir að ræða, en fremur sjaldgæft að þeir reki að Íslandsströndum. Högni taldi sig þó hafa séð deginum áður blástur frá nokkrum hvölum af þessari tegund í firðinum. Albert Jensson frændi Högna brá sér á svæðið og tók meðfylgjandi myndir af dýrinu. AS

Eftirfarandi upplýsingar er að finna á vísindavefnum um þetta dýr.

Leifturhnýðir eða leiftur (Lagenorhynchus acutus) eins og hann er oft nefndur er meðalstór höfrungategund sem lifir undan ströndum Íslands. Leifturhnýðir er náskyldur hnýðingum (Lagenorhynchus albirostris) sem finnast einnig hér við land. Fullorðin kaldýr eru um 2,60 metrar á lengd og kvendýrin örlítið minni. Dýrin eru um 185-235 kg að þyngd.


Leifturhnýðir lifir í Norður-Atlantshafi, annars vegar við norðausturstrendur Bandaríkjannna og hins vegar við austurströnd Grænlands, við Ísland, Færeyjar og strendur Noregs, allt suður til Bretlandseyja.

Rannsóknir á leifurhnýðum úti fyrir ströndum Kanada benda til þess að kvendýrin geti átt fyrstu kálfanna rúmlega 6 ára gamlar. Kvendýrið á einn kálf eins og títt er um hvali, eftir 11 mánaða meðgöngu. Kálfurinn er á spena í um 18 mánuði. Kvendýrin eru talin eiga kálfa á 2½ árs fresti að meðaltali. Þegar kálfarnir fæðast eru þeir frá 105 til 120 cm á lengd og vega um 35 kg.

Myndin er fengin af vefsetrinu Whales of the Atlantic