Á morgun, laugardag, ætla unglingar úr unglingadeildinni Ársól á Reyðarfirði að vera með björgunaræfingu inn í Fossárvík í Berufirði.  Áætlað er að um 50 krakkar taki þátt í æfingunni.

Björgunarsveitinni Báru hefur verið boðið að koma með unglinga og taka þátt í æfingunni.

Þar verður m.a. sigið í kletta, sýnt verður hvernig hlúa á að slösuðu fólki í börum til flutnings, fyrirlestur og margt fleira.

Í lokin verður öllum boðið í grillveislu á staðnum.

Stefnt er að því að þyrla Landhelgisgæslunnar komi á svæðið og taki þátt í æfingunni.